حكايتي وعد
بقلم وعد ناصف
الجزء الاول
 |
| حكايتي وعدّ |
رواية تجسد قصه معاناه للكاتبة السودانية وعد ناصف ،باللهجه السودانية الدارجة ،تتكون من خمسة أجزاء طويله وباذن الله سنقسم هذه الأجزاء لمقالات عديده حتي لا نطيل لكم في الثرد
الروايه مترابطة ببعضها البعض جيدا وحتي تنغمس في طياتها وتري أحداثها لابد من الاطلاع عليها كامله حتي تري بعينك رسالتها الواضحه فهيا بنا .
إقرأ أيضاً عن:الروائح وأثرها النفسي علي الإنسان
أحداث الرواية
يا بت يا وعد قومي الساعه 6 ونص زمن المدرسه جاء.
وعد :حاضر ماما بس خليني انوم شويه.
ماما :ي بت قومي .
وعد : ماما عندي صداع وحمه .
ماما: يعني امشي اقول لي حليم و مطفر و عمران وأمير وعد عيانه وم ماشه المدرسه .
ماما: هو الصداع كان امبارح والحمي كمان وهسي راحوا وجريت غيرت هوامير من غير حمام نزلت تحت اول زول لاقاني في وشي عمران: قال لي زهجنا لمن كأنه ح نفوتك .
وعد: قلت ليو عارفكم ح تفوتوني ، الا حليم ما حا يفوتني.
حليم: وانا بقدر افوت اختي.
أمير: قال لينا كلامكم كتير و زمن المدرسة جا وشكلنا ح ندقه في الطابور والحصه الاوله ح تبدأ عشان كده الحكم سريع .
عمران : نحن ممكن نتلب بي الحيطه لكن أميرتنا دي نعمل ليه شنو
مشيت خليتم بتكلمو وجوا طالعين واري.
يلا اعرفكم
( انا وعد عمري 9سنه و بقرا في رابعه وعندي اخوي اسمو متوكل بقرأ في أول جامعه هندسه عمره ٢٠ سنه و ده اكبر البيت واختي ولاء عمره ١٨ سنه بتقرا في تالته )
وامي نبع الحنان اسمها امل وعمرها ٣٩ سنه وابوي عمره ٤٥ سنه ) وما حا اوريكم وضعنا ح تعرفوا أثناء الروايه وضعنا كيف .
يلا أصحابي اعرفكم بيهم
( حليم ده عصبي وبغضب سريع جنوا مشاكل مع الأكبر منو بس قلبو ابيض و بحب الاغاني ومظفر وعمران تؤام مظفر جنوا مشاكل وبجيب لينا المشاكل الا هو وبهرب .
وعمران جنوا اكل ومستحيل ما اشوفوا قاعد ياكل لكن ما سمين يلا أمير وده زول هادي وم بحب المشاكل بس لمن اجي دوره المشاكل بتلاقي اول زول ما فهمتوا انا زاتي م فهمت )
نرجع لي قصتنا .
اثناء ما نحن ماشين قلت: ليهم عاوزه طعميه .
حليم : مش خالتو امل قالت ليك ما تاكلي من الشارع لانو اخر مره جاتك حالة تسمم ؟!
عمران : انا ح أوري خالتو امل اقول ليها وعد اشترت طعميه من الشارع .
وعد:قلت لي هسي ارح ليه م تهددني .
أمير: بطلوا مشاكل وبعدين هي حره تاكل اي شي دي بطنها
مشينا الدكان اشتري طعميه لينا كلنا وأسماء وأثناء ما نحن ماشين جات شله محمد زين
محمد زين: عاين أولاد الشوارع ي إكرام .
اكرام بس بتضحك.
احمد: اكيد اشتريت ليهم طعميه معاكي .
خالد: اكيد ح تشتري ليهم .
ملاذ: اساس هم مرحبا عشان تصرف عليهم وتشتري ليهم .
وعد: قلت لي حليم ومظفر وعمران وأمير ارح انساهم ديل م عندهم موضوع ح نتأخر ارح .
حليم اده محمد زين كف والضرب بدا بين الاولاد وانا وملاذ نحمر لي بعض بس اي وحده مستنيه هجوم من التانيه بس بتاع الدكان جاء وحجز الاولاد بس كل م يحجز يلقاهم .