رواية ليالي الرُعب محمد الطاهر محمد

 ليالي_الرعب (14) (15)

الجزء السادس 

تاليف : محمد الطاهر محمد 

المكان : مستشفي امدرمان

الزمان : يناير 1987

الجزء السادس رواية ليالي الرُعب 

 نزلت هراوة المجنون ..علي كتفي الايسر ..كانت الضربة قوية.. حتي ارتطمت بالجدار ..

لكن الشرطي تعامل بسرعة ..بعد ان تلقيت الضربة ..اذ قفز في الظلام ملقيا المجنون علي ظهره ..واسرع ..الشيخان لتقييده ..لكن قذف بهم ..واسرع جريا للطابق الاول ..

ولحقته المجموعه ..بينما كنت اتحسس طريقي في الظلام للحاق بهم ..

....

بدا ..د.طارق واهن القوي ..وهو يقص ..علي مرافقيه بالعنبر ..كابوس الافعي . التي قضت مضجعه ...(انتو عارفين ..انا حاسي كل الاحداث دي بسبب العيان الحاولت انقلو مستشفي المجانين ..وما صدقت قصتو ..عن القط الاسود . والمقابر ..والكلام الكان بقولو .واعتبرته ..مجنون ... حتي الممرضة التي كانت بتقنعني انو انا علي خطا ..وقعت علي قرار نقلها .. ..

حسة انا بديت امر بكل الحاجات المرت عليهو ..

زي ربنا بديني درس .. وبينتقم مني في ظلم الممرضه..

....

تم حصار المجنون علي شرفة الطابق الاول ..

كان رجلا قويا ..امام ثلاثة ..يسعون للقبض عليه ..

وماهي الا دقيقة حتي انقضو عليه ..

اطاح باحد الشيوخ بهرواته وعندما حاول رفعها مرة اخري انقض عليه الشرطي من وسطه وتم رميه

  علي الارض ومحاوله توثيقه ...و ارتباكنا في ذلك ..ازاح الشرطي جانبا ..وقفز ..من الطابق الاول ..الي الارض..

وسمعنا صوت ارتطام قوي ..

.......

كان المولد قد شارف علي الختام ..ولم تتبقي له سوي ليلة واحدة ..لذا كان الذكر عاليا ..والاصوات تصدح ..الله الله ..الله .

.....

وصلت للعنبر بعد منتصف.. الليل وكنت احس بعيون القط الاسود تتبعني ..رغم انه لم يظهر ..طوال الاحداث الماضيه ..كنت منهك القوي ..وعلي ظهري ضربة قوية ..الحمدلله لم تكسر عظما ..لكنها جعلتني امشي مائلا ..

استقبلتني الممرضة اسفل السلم ..لم اتفوه معها بكلمة ..واسرعت نحو عنبري ..

علي باب العنبر قلت كلمتين فقط للمرضة التي تتبعني :

ان لم تشرحي لي ما يحدث صباحا ..

اعتبري نفسك ما 

ما بتعرفيني ..!!

.....

عندما استيقظ . دطارق الصباح ..

كان مقتنعا تماما . ان هناك ..سحر ما ..واشياء غير طبيعية ... تحدث له ....وقرر امرا ..نادي مرافقه وامره ان  

 يذهب لشيخ عادل ..في منزله ..ويات به الان ..

......

استيقظت الصباح ورائحة طيبه تفوح في العنبر ..اتية من حوش الخليفة ..فاليوم 

هو ختمة المولد النبوي الشريف ..

كان الطقس قد تغير قليلا واصبح صحوا ..

ومنظر الاحباب والمريدين بالوانهم البراقة يشرح القلب ..

كنت انتظر المساء لوردية الممرضة ..حتي تفسر لي كل شيء ..كل شيء

من اول ليله في المقابر ..حتي مساء الامس ..

ليالي الرعب (15)

كنت انتظر الممرضة ..علي شرفة الطابق الاول ...وجاءت قبل موعد ورديتها بما يقارب الساعه ..

جعلت انظر اليها من بعيد ..كانت جميله بحق ..وكانني لم انتبه لها قبلا ..كانت تميل للطول ..ولم تكن بتلك النحافة التي كنت اتوقعها ..

اتت مباشرة الي عنبري ..

وجلست علي طرف السرير ..كنت راقدا ..لالم ضربة المجنون بالامس ..مايزال الالم يعتصر ظهري ..

قالت لي بكل عفوية ماذا تريد ان تفهم ؟؟

سالتها..من انتي اولا ؟؟

اجابتني بكل هدؤ 

انا اسمي ملك محمد ..اصلا من سنار ..

- طيب والقط الاسود دا منو ؟؟

فاجاتني انت مش ساكن امدرمان ..جنب زاوية الطريقة التجانيه ؟؟

ما بتتزكر القط الاسود دا ..وانت شافع ؟؟ وكانها تحاول تزكيري ..وكان لديه ثلاث قطط صغيرة ..كنت تلاعبهم وانت صغير ؟؟

 - اللعنة لقد تزكرت ..

رجعت بذاكرتي لما يقارب العشرين عاما ..

كنت صغيرا ..وكان القط يتحرك جيئة وذهابا ..في الحائط الفاصل بيننا والزاوية ..

ومعه ثلاث قطط صغيرة ..احداهم كان لونه رماديا ..مختلف عن اخوته 

تزكرت ..وقلت لها لكنه رحل ..مبكرا ..ولم ندري اين ذهب !!

- قالت لي وهي تهمس ..ساقول لك كل شئ علي ان تقسم لي ..انك لن تبوح لاحد بهذه الاسرار !!

.......

عندما دخل شيخ عادل ..الي غرفة د. طارق ..كان الاخير ..ما يزال فزعا من الاحلام التي تراوده 

لكن رغم ذلك تهلل وجهه ..وقال بصوت واهن : 

اتفضل ..اتفضل 

يا مولانا ..

كان شيخ عادل ..رجلا طويل القوام ..يرتدي جلبابا ..ناصع البياض . .. وكانت تفوح منه العطور الذيتية التي يجلبها حجاج بيت الله من الحرم ..

كان منظره مريحا للعين .. 

جلس شيخ عادل 

علي كرسي بالقرب من راس د. طارق ..وقال له : اما كان افضل لو كنت رقيتك بالبيت ؟؟

- والله ي مولانا ماقادر ..وبراك شايف الرجل ..دا الجبص التاني يتعمل ..ويطق ..

وقال متوسلا ..عليك الله خلينا نتنهي هنا..!!

وكانه يعتقد ان الامر سهلا ..

ابتسم شيخ عادل ..وقال .: علي بركة الله نبدا ..

اغمض عينيك ..

وبدا ..يتلو له !!

.....

استمر نقاشي وجدلي مع الممرضة..كثيرا 

قالت لي دعني اقول لك باختصار ..وانت شغل عقلك ..

القط دا جان ..

وبعرفك من انت صغير ..وبثق فيك وفي اهلك ..

البنت العروس الكانت في المشرحة بتو ..واحد من البشر ..بتاعين الدجل والشعوذه قدر يسيطر عليها ..كانت صغيرة ..استخدمها لافعالو الشيطانيه ..

..لكن ربنا سلط عليه مارد كتلو وريح الناس من عمايلو ..

دا نفس الزول الانت حضرت جنازتو في المقابر 

-قلت مندهشا طيب امي هي الكلمتني قالت لي ..

قاطعتني : ليست امك . !!!

.هي واحدة من بنات القط الاسود !!

لا حولا ..ولا قوة الا بالله .. 

قاطعتني خليني اتم ليك ..

القط الاسود استدعاك للمقابر ..عشان تساعدو ..

لكن المشعوذ الكان مسيطر علي بتو ..ومات كان عندو كمية من الشياطين 

واحد فيهم هو الحذرك انك تخش المقابر ..اتزكرت ؟؟

اي والله صاح كان في صوت بقول لي ارجع ي زول 

-كانو عارفين القط الاسود منتظرك ..

وهم الجرو وراك ..وكت وقعت في القبر الفاضي ..الخطوات كانت خطواتهم ...

-لا اله الا الله .. محمد رسول الله

..بت القط الاسود مفروض تكون اتحررت بعد وفاة المشعوذ ..لكن اكتشفنا انو مسيطر عليها بواسطة خاتم كلو طلاسم ..مافي جن بقدر يهبشو 

والقط جابك للمشرحة عشان تطلع الخاتم ..فهمت ؟؟

كنت اذداد اندهاشا مع كل كلمة تخرج منها ..

- لا حولا ولا قوة الا بالله ..دا كلو حاصل ؟؟

- ولسة .. ما كملت ليك الباقي ..

......

تابع الجزء السابع من رواية ليالي الرُعب تسلسل الأحداث